بۆچی پیاوان زووتر پیردەبن پ‌د‌ف چاپکردن پۆستی ئەلیکترۆنی
یەک شەممە, 15 نیسان 2012 18:41


ئەو هۆكارانەی كە دەبنە هۆی پیر بوونی پیاوان  و ئەو زۆر پیر بوونە  بە بەرارود لە گەڵ ئافرەتان بۆ چی دەگەرێتەوە
دەردانی DNAمیتۆكەندری دەبێتە هۆی خێرا پیر بوونی پیاوان لەچاو ئافرەتان. توێژینەوەكان ئەوە دەردەخەن دەردانی ژنەتیكی، كاریگەری لەسەر دەركەوتنی نیشانەكانی پیری لە ناو پیاوان دەبێت، نەك لەسەر ئافرەتان.
ئەم دۆزینەوە ئەوەش دەردەخات كە بۆچی ژنان بە شێوەیەكی مام ناوەندی تەمەنیان لە پیاوان زیاترە. توێژینەوەكانی زانكۆی " موناش" لە ئوسترالیا مێشەكانی میوەیەكی نێر و مێیان كە هەڵگری میتۆكەندری لە سەرچاوە جۆراوجۆرەكان بوو خستە ژێر توێژینەوە. میتۆكەندری بەشێكە لەو خانانەی كە خۆراكەكان بۆ وزە دەگۆڕێت. هەروەها ئەوەشیان بۆ دەركەوت كە جۆرەكانی ژنەتیكی لە میتۆكەندری دەستنیشانی ئومێد بۆ ژیان لە ناو پیاوان دەكات نەك لەناو ژنان. دكتۆر داولینگ لە كۆلێژی زانستە ژینگەییەكانی زانكۆی موناش ئاماژە بەوە دەدات: ئەوەی جێگەی سەرسوڕمانە ئەم دەردانە هیچ كاریگەرییەكی لەسەر دەركەوتنی نیشانەكانی پیری لە ناو ژناندا نییەو تەنیا لەسەر پیاوان كاریگەریان دەبێت. هەروەها ئەوەش دەخاتەڕوو كە گشت گیانلەبەران هەڵگری میتۆكەندرن و بە شێویەكی گشتی لەناو گشت گیانلەبەراندا دەبێتە هۆی زووتر پیر بوونی پیاوان. ئەم توێژەرانە هەوڵ دەدەن  درێژە بە توێژینەوەكانیان بدەن تاوەكو رێَگەكانی لەناو بردنی كاریگەری نەرێنی  دەردانی ژنەتیكی لەسەر ئومێد بۆ ژیان لە ناو پیاواندا تاوتوێ بكەن.