‌چ كاتێك پیاو ناپاكی لە هاوسەرەكەی دەكات؟ پ‌د‌ف چاپکردن پۆستی ئەلیکترۆنی
شەممە, 13 شوبات 2016 16:50

هەندێك جار چەند هۆكارێك لەژیانی هاوبەشدا پاڵنەر دەبێت بۆ ئەوەی هەندێك لە پیاوان ناپاكی لە هاوسەرەكانیان بكەن لەوانەش كێشەی بەردەوام و نەبونی ئارامی ناو خێزان و دەماقاڵێی بەردەوامی نێوان دوو هاوسەرەكە.

لەم دۆخانەدا هەندێك لە پیاوان هەوڵدەدەن بەدوای شوێنێكی ئارامدا بگەڕێن بۆ ئەوەی لە كێشەی ناو خێزان بێنە دەرەوە.

لەگەڵ ئەوەشدا كاتێك پیاو بەرپرسیارێتی زۆری دەكەوێتە سەر شان وەك بەخێو كردنی منداڵ و بەڕێوەبردنی خێزان ئەمانە پەستانێكی دەرونی زۆر لەسەر پیاو دروستدەكات، هەندێك پیاو هەوڵنادەن چارەسەری كێشەكانیان بكەن  بەڵكو بەدوای پەیوەندی دیكە دەگەڕێن بۆ ئەوەی كەسێكی تر بدۆزنەوە هەتا كەمێك لە بەرپرسیارێتی دوور بكەونەوە.

ناپاكی خێزانی دەبێتە هۆی هەڵوەشاندنەوەی خێزان و كۆمەڵگە و دروستبونی كێشە ،پێویستە كاتێك لەناو خێزاندا كێشەیەك دەبێت زوو بەدوای چارەسەردا بگەڕێن بۆ ئەوەی ئارام و بێكێشە بن.