پێكه‌نین به‌ نرخترین ده‌رمانه‌ پ‌د‌ف چاپکردن پۆستی ئەلیکترۆنی
دووشەممە, 08 نیسان 2013 10:37

توێژینه‌وه‌ زانستیه‌كان رونیان كردوه‌ته‌وه‌ به‌ شێوه‌یه‌كی‌ گشتی‌ كه‌ منداڵ له‌ رۆژێكدا 400 جار
پێده‌كه‌نێت، به‌ڵام له‌ كه‌سانی‌ پێگه‌یشتوو 15 جار له‌ رۆژێكدا.

ئه‌مه‌ش ئه‌وه‌مان پێده‌گه‌یه‌نێت كه‌ هه‌ستكردن به‌ خۆشی‌ كاردانه‌وه‌یه‌كی‌ سروشتیه‌ له‌ مرۆڤدا، به‌ڵام به‌ هۆی‌ ئه‌و گۆڕانكاریانه‌ی‌ كه‌ به‌ سه‌ر مرۆڤدادێت له‌گه‌ڵ پێگه‌یشتنی‌ ته‌مه‌ن ئه‌م هه‌سته‌ كه‌م ده‌بێته‌وه‌.

وه‌ك ده‌ركه‌وتوه‌ به‌ پێی‌ توێژینه‌وه‌ زانستیه‌كان پێكه‌نین سودی‌ زۆری‌ هه‌یه‌ بۆ جه‌سته‌و باری‌ ده‌رونی‌ مرۆڤ.

شاره‌زایان له‌ په‌یمانگه‌ی‌ (مایو كلینیك) ی‌ پزیشكیی‌ ئه‌مه‌ریكی‌ ئاماژه‌ به‌وه‌ ده‌ده‌ن كه‌ پێكه‌نین یارمه‌تی‌ باشكردنی‌ هه‌ناسه‌دان ئه‌دات وه‌رێژه‌ی‌ چونی‌ ئۆكسجین بۆ مێشك زیاد ده‌كات، كه‌ ئه‌مه‌ش ده‌بێته‌ هۆی‌  زیادبونی‌ چالاكیه‌كانی‌ مرۆڤ كه‌ حه‌زو ئاره‌زوه‌كانی‌ بۆ باش ده‌كات.

هه‌روه‌ها پێكه‌نین سودێكی‌ باشی‌ هه‌یه‌ بۆ دڵ، سوری‌ خوێن چالاكتر ده‌كات و به‌ باشی‌ ئۆكسجینی‌
بۆ ده‌نێرێت، هه‌موو ئه‌مانه‌ ئاماژه‌ به‌وه‌ ده‌كات، پێكه‌نین سودێكی‌ باشی‌ هه‌یه‌ بۆ ته‌ندروستی‌ مرۆڤ.

له‌ توێژینه‌وه‌یه‌كی‌ تر ده‌رباره‌ی‌ پێكه‌نین شاره‌زایان پێمان راده‌گه‌یه‌نن: پێكه‌نین یارمه‌تی‌ به‌هێزبونی‌ (جهاز المناعه‌) واته‌ سودی‌ هه‌یه‌ بۆ به‌ هێزبونی‌ به‌رگری‌ جه‌سته‌ به‌رامبه‌ر به‌ نه‌خۆشیه‌كانی‌ وه‌ك (ئه‌نفلۆزا) به‌رامبه‌ر به‌ كێشه‌كانی‌ (جیوبی‌ لوت) له‌ به‌ر ئه‌وه‌ی‌ مرۆڤ له‌ كاتی‌ پێكه‌نیندا (غلوبولین) كه‌ به‌رگری‌ له‌ ته‌ندروستی‌ مرۆڤده‌كات به‌هێز ده‌بێت.

وه‌ هه‌روه‌ها ئاماژه‌كراوه‌ كه‌ كه‌ پێكه‌نین ده‌توانێت وه‌ك وه‌ستێنه‌ری‌ ئازار، بۆ نمونه‌ (ئیندروفین)
كاریگه‌ری‌ هه‌بێت له‌ سه‌ر مرۆڤ.

له‌ كۆتایدا شاره‌زایان پێمان راده‌گه‌یه‌نن، پێویسته‌ مرۆڤ  به‌ شوێن ئه‌و یارمه‌تیده‌رانه‌ی‌ كه‌ ده‌بێته‌
هۆی‌ دروست بونی‌ پێكه‌نینێكی‌ سروشتیانه‌ بگه‌رێت، بۆ ئه‌وه‌ی‌ هه‌میشه‌ له‌ ته‌ندروستیه‌كی‌ باشدا
بێت، هه‌ر وه‌ك ده‌ڵێن (پێكه‌نین ده‌رمانێكی‌ به‌ نرخه‌ كه‌ پێویست به‌ كرینی‌ ناكات، چونكه‌ تاكه‌
سه‌رچاوه‌كه‌ی‌ رۆحه‌).