♥♥ماڵبه‌ری ده‌باشان زانیاری هه‌مه‌ره‌نگ♥♥

كه‌ناڵی (DW)ی ئه‌ڵمانی گرنگترین ئه‌و ئابڕۆچونانه‌ی بڵاوكرده‌وه‌ كه‌ له‌ مێژودا تۆماركراون و به‌هۆیانه‌وه‌ كۆتایی به‌ ژیانی سیاسی ژماره‌یه‌ك كه‌سایه‌تی هێناوه‌.

خۆشه‌ویستی هه‌ڕه‌شه‌ له‌ ئاسایشی نه‌ته‌وه‌یی ده‌كات
جه‌نه‌راڵ دیڤید پترایۆس، به‌ڕێوه‌به‌ری ده‌زگای هه‌واڵگری ناوه‌نی ئه‌مه‌ریكی (CIA) دوای (14) مانگ له‌ وه‌رگرتنی پۆسته‌كه‌ی، ده‌ستله‌كاركێشانه‌وه‌ی پێشكه‌ش به‌ سه‌رۆكی ئه‌مه‌ریكا كرد، به‌هۆی بونی په‌یوه‌ندیه‌كی خۆشه‌ویستی له‌ده‌ره‌وه‌ی خێزانه‌كه‌ی كه‌ كاریگه‌ری له‌سه‌ر ئاسایشی نه‌ته‌وه‌یی ئه‌مه‌ریكا جێده‌هێڵێت.



ئابڕۆچونه‌ سێكسیه‌كه‌ی شتراوس
ساڵی (2012) یه‌كێك له‌ خزمه‌تگوزارانی هۆتێله‌ به‌ناوبانگه‌كانی نیوۆرك، دۆمینیك شتراوسی، سەرۆکی بانکی نێودەوڵەتی به‌وه‌ تۆمه‌تباركرد كه‌ هه‌وڵی داوه‌ ده‌ستدرێژی سێكسی بكاته‌سه‌ری و به‌وهۆیه‌وه‌ شتراوس ده‌ستی له‌ پۆسته‌كه‌ی كێشایه‌وه‌.




ئابڕۆچونی برلسكۆنى
سیلڤۆ برلسكۆنی، سه‌رۆك وه‌زیرانی پێشوی ئیتاڵیا، له‌ چه‌ندین ئابڕۆچونه‌وه‌ گلاوه‌، دواترینیشیان په‌یوه‌ندی سێكسی بو له‌گه‌ڵ كچێكی هه‌رزه‌كاری مه‌غریبی ته‌مه‌ن (17) ساڵ بو.




ئابڕوچونه‌كه‌ی وه‌ته‌رگێت
رۆژنامه‌ی واشتنۆن پۆستی ئه‌مه‌ریكی، بوه‌ هۆی ده‌ستله‌كاركێشانه‌وه‌ی ریچارد نیكسۆنی سه‌رۆكی ئه‌مه‌ریكا، به‌و هۆیه‌ی سیخوڕی به‌سه‌ر ركابه‌ره‌كه‌ی كردبو له‌ هه‌ڵبژاردنه‌كه‌ی ئه‌مه‌ریكا و بوه‌ هۆی ده‌ستله‌كاركێشانه‌وه‌ی نیكسۆن له‌ساڵی (1974).



ئابڕوچونه‌كه‌ی مۆنیكا لوینسكی
بیڵ كلینتۆنی سه‌رۆكی ئه‌مه‌ریكا، ساڵی (1998) له‌ ئابڕوچونێكی سێكسیه‌وه‌ گلا، دواتر ده‌ركه‌وت كه‌ پەیوەندی سێكسی له‌گەڵ مۆنیكا لوینسكی كارمه‌ندی كۆشكی سپی هەبوه‌.



سه‌رۆكی ئه‌ڵمانیا، به‌كارهێنانی ده‌سه‌ڵات
كریستیان ڤۆڵڤ، سه‌رۆكی ئه‌ڵمانیا ناچاربو ده‌ستله‌كاربكێشێته‌وه‌، دوای ئه‌وه‌ی نوێنه‌ری داواكاری په‌رله‌مان حه‌سانه‌ی یاسایی لێسه‌نده‌وه‌ به‌هۆی تۆمه‌تباركردنی به‌ به‌كارهێنانی ده‌سه‌ڵات بۆ به‌رژه‌وه‌ندی خۆی و كاریگه‌ری دروستكردن له‌سه‌ر رۆژنامه‌نوسان.



فێڵی ئه‌كادیمی
مانگی مارسی ساڵی (2011) كارل تیودۆر، وه‌زیری پێشوی به‌رگری ئه‌ڵمانیا ناچاربو ده‌ست له‌كاربكێشێته‌وه‌ به‌هۆی ئه‌وه‌ی ده‌ركه‌وت له‌نامه‌ی دكتۆراكه‌یدا چه‌ند به‌شێكی سه‌رچاوه‌یه‌كی زانستی وه‌رگرتوه‌ بێئه‌وه‌ی ئاماژه‌ به‌ سه‌رچاوه‌كه‌ی بكرێت.



شتراوس و دێرشبگڵ
ساڵی (1962) رۆژنامه‌ی دیرَشبگڵ، راپۆرتێكی بڵاوكرده‌وه‌ كه‌ ئه‌ڵمانیا ناتوانێت به‌رپه‌رچی هێرشی سۆڤیه‌ت بداته‌وه‌، به‌وهۆیه‌وه‌ هێزه‌ ئه‌منیه‌كان به‌ فه‌رمانی  فرانتس یوزیڤ شتراوس گه‌مارۆی باره‌گای گۆڤاره‌كه‌یاندا، ئه‌وه‌ش خۆپیشاندان و ناڕه‌زایی لێكه‌وته‌وه‌ و قه‌یرانێكی به‌دوای خۆیدا هێنا و ده‌ره‌نجام بوه‌ هۆی ده‌ستله‌كاركێشانه‌وه‌ی وه‌زیری به‌رگری.



به‌خشین به‌ حیزبی دیموكراتی مه‌سیحی
هڵمۆت كۆڵ، روبه‌ڕوی لێكۆڵینه‌وه‌یه‌كی دادگا بوه‌وه‌ به‌هۆی پێشێلكردنی یاسای پاڵپشتی حیزبه‌ سیاسیه‌كانی ئه‌ڵمانیا، به‌هۆی ئه‌وه‌ی به‌ ملیۆنان دۆلاری وه‌رگرتبو، به‌هۆی ئه‌و ئابڕوچونه‌وه‌، كۆڵ له‌ سه‌رۆكایه‌تی حیزبی دیموكراتی مه‌سیحی ده‌ستیله‌كاركێشایه‌وه‌.